LYRIC / PARODDI / PARULLE / CANTI
U chjassu si stracqu’a pianu
Cum’è pè lacallu corre
Cumè pè ritene l’ore
Di quellu fattu landanu
Chi misteru fù patrone
Di l’omi di u reghjone
Partuti in filarata
Pè faccenda cumuna
A l’usu di l’operata
Ci vulia à tagliall’à luna
Quella sima castagnina
Quassù in punt’à a cullina
Soca quellu burdinale
qualchi misteru tenia
Chi a visera di u male
In u so fustu curria
Cù a voce chi s’appoghja
Tempu cullat’à l’armone
U trave fece pastoghja
Quant’è chjave di prigione
E fù prima a pisatoghja
A fà scappà a ragione
Più inghjo n’ù e spinate
A rabbia ùn pudia tene
Da e ghjasteme lampate
l’azzuffu usci di e vene
E tribbie eranu nate
Ma u peghju s’era à vene
Soca quellu burdinale
qualchi misteru tenia
Chi a visera di u male
In u so fustu curria
A l’astrettu di lu chjassu
Ghjunsin ‘à tamba di netta
Vint’omi à liatu passu
Sott’à forza maladetta
Mandata da satanassu
A morte cherse vindetta
So trè nomi so trè nomi
Scritt’à l’orlu di lu chjassu
Pè battizà un scunquassu
Ch’hà vist’è intesu l’omi
Tumbà l’usu di l’operata
N’una strada insanguinata
Soca quellu burdinale
Vinti Morti vulia
Chi a visera di u male
In u so fustu curria
No comments yet