LYRIC / PARODDI / PARULLE / CANTI

Esse, ghjè lu piacè d’esiste
U piacè di custruisce, u piacè d’avanzà
Esse, ghjè vulè cumparisce
Vulè esse sè stessu, vulè si misurà
Esse, ghjè scrive cun passione
Tante belle canzone è vulè le cantà
Esse, ghjèpurtà lu rispettu
È apre lu so pettu, cun bisognu d’amà

Esse, ghjè d’avè cumpassione
Per quellu chì à sorte mette in dificultà
Esse, ghjè di purtà lu succorsu
À un grande malatu ch’ùn si po curà
Esse, ghjè furzà lu destinu
Per chì u celu divinu u possi aiutà

Esse, ghjè vulè esse onestu
È di purta cuntestu, mette si à ragiunà
Esse, ghjè invece d’impone
Favurizà a ragione chì pò fà appacià
Esse, ghjè d’avè la cridanza
Chì u nostru Signore hà vulsutu incalcà
Esse, ghjè pudè dà la pro a
Chì si pò vene à fine d’ogni cuntrarietà

Esse, ghjè vulè dinù crede
Chì l’amicìzia vera pò dà lu benestà
Esse, ghjè fà chì a fratellanza
Possi apre le so porte d’un a grande unità
Esse, ghjè vulè custruisce
Petra à petra à so casa è vulè la assestà
Esse, ghjè cède a so famiglia
Capace di fà inviglia è guardà la ingrandà

Andria Brignole / Antonu Marielli


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.