LYRIC / PARODDI / PARULLE / CANTI

Aghju vistu, erimane, un fullettu, hè fughjitu cum’è un frulu in la stretta
Aghju corsu, u vulia intuppà, i fulletti ùn si làscianu piglià !
Aghju vistu eri sera un mazzeru, era goffu, era malu, un addisperu
Avia tombu un cignale, a m’hà detta, quale serà chi liccherà la vindetta ?

Un’ idea, un’ idea, un’ idea, forse chi mi so fattu un’ idea
Sti dui ghjorni, hè successa cusi, s’ellu ùn hè vera,
A vi contu, ùn vole di !

Aghju scontru sta mane una strega, a vi dicu, hè vera, ùn la negu
A so fàccia era tutta riviglie, hè fughjita è nisunu la piglie !
Aghju scontru sta sera una fata, una pelle di mele inzuccherata
Vicin’à la vadina à l’inghjo, m’ungu è mi sfungu à quant’ellu si po !

Un’ idea, un’ idea, un’ idea, forse chi mi so fattu un’ idea
Sti dui ghjorni, hè successa cusi, s’ellu ùn hè vera,
A vi contu, ùn vole di !

Aval’avà aghju scontru una Dea, un bel’fiore, una rosula altea
M’hà sfiuratu, un odor’ di cannella, un tesoru, un deliziu, una Stella !

Un’ idea, un’ idea, un’ idea, forse chi mi so fattu un’ idea
Sti dui ghjorni, hè successa cusi, s’ellu ùn hè vera,
A vi contu, ùn vole di !


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.