LYRIC / PARODDI / PARULLE / CANTI

S’anu pigliatu a riturnella, ch’avia fattu per Maria,
Eppuru tandu mi paria, d’esse u solu à sapella.
Soca quandu l’aghju cantata, a s’hà colta a tramuntana,
E fin’à la costa luntana, l’hà d’igni locu suminata
E dapoi senza sapella, i giuvanotti à chjar’di luna,
Per a bionda o per a bruna, càntanu la mio riturnella.

S’anu arrubbatu a mio canzona, quell’a ch’aghju fattu per Rosa,
Metà in rima, metà in prosa, è più ci pensu è più mi stona,
Un ci era tanta puesia, u versu era sgalabbatu
L’aghju cantata in serinatu è tandu à Rosa li piacia.
Ognitantu quandu a sentu, a canzona fatta per Rosa,
Banch’ella fusse simile cosa in fond’à mè, ne so cuntentu.

S’anu cantatu e mio canzone, fatte pè Paula, pè Stella,
Margherita o Isabella, seguente l’estru o la stagione,
Ci pensu è mi dicu aspessu, chi s’ell’avissimu ghjuvatu
A qualchi coppiu innamuratu, ùn serà statu tempu persu.
Ma la mio canzona d’amore, hè quella chi hè stata fatta
Solu per tè, ch’o tengu piatta, in un scornu di lu mio core,
Dapoi ch’è no ci cunniscimu, s’ell’ùn hè à a mio ghitarra
Quella fatta per tè o cara, ùn l’aghju mai cantata à nimu.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *