LYRIC / PARODDI / PARULLE / CANTI

Sole tramonta
Un basgiu ti dà
Fola ti conta
Eppò si ne và
Di fà ninni nanna
Hè ora digià
Ancu a meridiana
Si vole chjinà.

Dormi parpena
Dormi dormi avà,
A luna piena
Ti surriderà,
D’una pifanella
Per tè sunerà
Una nannarella
Sin’à l’abbrucà.

Chjodi l’uchjini,
Lasciali passà,
Li sogni fini
Duve ci serà :
Mille maraviglie,
Tesori à buscà !
Mille fantesie,
Fate à vuluntà !

Diana la stella,
La prima à spuntà
À camancella
Ti ferà cullà,
Frà a dolce nuttata
T’accumpagnerà
È à l’alba nata
Ti disciterà.

Ghjuvan Liviu Casalta – Diana di l’Alba


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.