LYRIC / PARODDI / PARULLE / CANTI
À chì vale dumane, s’è tù sai digià
Ciò ch’ellu piatta in sè, ciò ch’ellu ne serà
S’è tù credi ch’un celu, culore ùn pò cambià
È ch’à certi orizonti, sole ùn ne pò spuntà …
E brame, l’aghju sceme è i sonnii tamanti
U mio core immensu, prontu à mille stanti
I muri, li calcecu è ne fàcciu pianure
Da suminà ci ore, da esse le più pure …
À chi vale un sònniu, s’ellu pasce à umbria
S’ellu un si sà fascià d’un pocu di pazzia
S’è tù voli sperà, chi mezu à l’osciatu
Qualchi volta, ci nasce un pratu smisuratu …
À chì vale à scappà, à allungà u passu
Basta à ùn sbaglià si, scigliendu lu so chjassu
Ci serà sempre un ponte, una verga à francà si
È un ghjornu, chì sà, a vita, à affiancà si …
Ghjuvan Liviu Acquaviva / Antonu Marielli
No comments yet