LYRIC / PARODDI / PARULLE / CANTI

Era lu to sacerdoce, in core à l’A.N.C,
Eri lu fidu cristianu à li detti di Gandhi
Contr’à l’indegnu Apartheid, senza mai tù faltà
A to lotta era ghjusta, Gloria à tè, Rolihlahla !

Ti vulemu fà onore, tù, Nelson Mandela
Ai datu à la to ghjente, la so ghjusta dignità !

Sharpeville la mataccina, ùn la pudii abbunà
Cun lu verbu, cun ardore, ai vulsutu impettà
Per la pace di li populi, per l’Africana Unità
Contr’à la duminazione, lai detta in Rivonia.

Riturnellu

Da le tènebre prigione, si diventatu la Stemma
Contr’à tutte l’inghjustizie è contr’à tutte le ghjastemme
Per li Bianchi, per li Neri, per la vera parità
Era per tè, un duvere, ci ai pussutu liberà.

Riturnellu

Tù, Nobelle di la Pace, in quellu novanta trè
Fermerai per lu sempre, Madiba, lu nostru Rè
Contr’à la segregazione è contr’à la puvertà
Tù lu Guida, tù lu Sàviu, tù lu Grande Madibà

Riturnellu

Ti vulemu fà onore, tù, Nelson Mandela
Ai datu à la to ghjente la soia la dignità !


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.