LYRIC / PARODDI / PARULLE / CANTI
Dicenu chi in certe loche ùn ci vole à passà di notte
Quandu li mondi di l’arcanu, ne spalanchèghjanu le porte
Quandu le Streghe è li Mazzeri ne ghjùnghjenu à fà racolte.
Quandu in l’Abbissi di l’Eternu ne sprufonda la Malasorte
Venuti à stoli da caternu Mangoni è Arpie d’ogni sorte
Per adurà è festighjà, mane è sera, a Luna Nera.
Dicenu chi in certe loche, ùn ci vole à passà di notte…
In lu boscu di Malanotte, in certe sere, omu sente
L’ùghjuli di le malacelle, da insischisce core è mente
Li brioni è mughjulimi è li viulini à currente.
Pare ch’in giru à quellu focu, sott’à le lecce, querci è ghjande
Ci bàllanu Maghi è Strigoni, indiavulate Sarabande
Ghjunti da l’Arcanità per ingannà è vistica
Dicenu chi in certe loche, ùn ci vole à passà di notte…
Per visticà lànime nere è po purtalle à Caronte
Da fà nutrisce tante fere, aldilà di lu foscu ponte
Francatu hè lu fiume, tandu e sperenze ekke so compie
Allusincheghja lu Furlettu è isparpersi in quelli lochi
Li pelegrini è l’errenti ci brùsgenu di mille fochi
L’infernu cum’è Verita, per l’oghje è per l’Eternità
Dicenu chi in certe loche, ùn ci vole à passà di notte…
No comments yet