LYRIC / PARODDI / PARULLE / CANTI

In Truvigni à mezanotte
Quandu dorme A Custera
S’àprenu l’arcane porte

E le fate di u circondu
A la gràcile cimbrera
Sorgenu da lu sprufondu

Serà sognu o realità ?
Ssa Fata amata chi ferà ?

Bàllanu à lucen’di luna
Tale fiare turchinelle
Cun vestiti du furtuna

Poi sàzie di canzone
Pàrtenu sse damicelle
In San Biasgiu in prucessione

Serà sognu o realità ?
Ssa Fata amata chi ferà ?
Tesse,
Nant’à u Tilaghju di e Fate,
A ditate dillicate,
Filu à filu le mio brame,

Nant’à un tronu cristallinu
Sona la Fata Maestra
D’un tilaghju d’oru finu

Quand’ella sfrigia di manu
I dolei fili à la lestra
S’innamore u cor’umanu.

Riturnellu

O bellezza sibbillina
U mio core ai incantatu
E fattu la mio ruvina.

M’abbandoni à lu malesse
Mi lasci malavviatu :
Solu t’impreme lu tesse…

Riturnellu


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.