LYRIC / PARODDI / PARULLE / CANTI

Tù chì si stat’un ghjornu inghjuliatu
Per difend’a to libertà
Nun pensà più ch’ai straziatu
I to penseri lascia un pocu stà
Nun ti lagnà più nant’u to passatu
Ti sì battutu per pudè megliu stà
È pens’appena ch’indè questu mondu
Ci sò chì morenu per a libertà.

Veni cù mè porghji la manu
Em’a cantà em’a cantà
Perch’elle compiinu
In lu mondu sanu
L’offese à la libertà.

Ascolt’un pocu tù caru fratellu
In certi lochi luntana culà
Ci sò di l’omi si sò mess’arritti
Ma l’hanu chjosi per l’eternità
Senza pudè difend’e so idee
L’anu tumbati senza pietà
Eranu tant’omi fieri
È sò morti per a libertà.

Veni cù mè porghji la manu
Em’a cantà em’a cantà
Perch’elle compiinu
In lu mondu sanu
L’offese à la libertà.

È ghjè per quessa chì ti dicu
Ùn piantà mai di luttà
Canteremu per i nostri fratelli
Scunsulati per sempre culà
Ch’e nostre voce saltin’e fruntiere
Chi manc’un piombu le possi parà
Per falle sente scalend’in lu celu
Ci vole à luttà ci vole à luttà.

Veni cù mè porghji la manu
Em’a cantà em’a cantà
Perch’elle compiinu
In lu mondu sanu
L’offese à la libertà.

Per a libertà…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.