LYRIC / PARODDI / PARULLE / CANTI
Dopu à u fretu è e cutrure
Sott’u silenziu di e bandere
Dop’u secretu è e sciagure
E stonde nere…
Si pesa un ventu d’una volta
Chì sparghje e so mille granelle
Nasce in un pratu di rivolta
Un sognu di gemme ribelle.
Dopu à l’inganni è i malfatti
Dopu à ciò ch’hè sempre negatu
Dopu à parechji finti patti
Un pugnu alzatu !
È fatti avanti testa mora
Incù millai di culori
È fatti avanti hè ghjunta lora
Di coglie i nostri valori.
Dopu à qualchi falza stagione
Induve cresce l’inghjustizia
Si sente a radica nazione
È sta nutizia…
Quella chì dice chi ormai
Anu da compie i nostri guai
A lotta un finisce mai
A lotta un finisce mai !
Ripigliu
Veranu corsu quì si disceta,
Fiori di focu alba prufeta
Veranu corsu à dacci forza
Assalta locu ad alta mossa.
No comments yet