LYRIC / PARODDI / PARULLE / CANTI
Assassinu t’anu chjamatu
Senza ghjudice nè prova
Nucente avemu stridatu
Sempr’aspettendu la nova
E in pettu à ssu statu
Libertà mai più ritrova
Quante stonde sò passate
Incù te alluntanatu
Tù tamantu militante
A u populu arradicatu
Oghje vultatu in paese
Quand’u morturiu hà sunnatu
A strada ripiglia fiatu
Versu a nostr’indipendenza
Senti sta voce di l’ombra
Quella di a to partenza
Chì ci guida u caminu
Chì mughja FORA A FRANCIA
Per u to ritornu eroe
A to terra hè in dolu
E sta lotta chì ci rode
Pienghje oghje un figliolu
Per l’eternu in e mente
Patriottu machjaghjolu
A strada ripiglia fiatu
Versu a nostr’indipendenza
Senti sta voce di l’ombra
Quella di a to partenza
Chì ci guida u caminu
Chì mughja FORA A FRANCIA
No comments yet