LYRIC / PARODDI / PARULLE / CANTI
Simu di a sterpa di Pasquale
E salutemu a so memoria
E nostre brame sò uguale
È per mai squaglià la storia
Fronte feremu à l’imperu
Cun fede è senz’addisperu.
Simu terra di tradizione
Cù un populu seculare
È vulemu incù ragione
Riacquistà lu nostr’altare
Fronte feremu à l’imperu
È à u so vile stafferu.
Simu dinù e risurgenze
Di un fiume chjamatu Golu
Chi hà patutu e preputenze
Di sangue corsu n’hè u scolu
Fronte feremu à l’imperu
Per lu so disprezzu altieru.
Simu operai è paisani
Di una terra cunquistata
E guerre ci anu fattu danni
Ch’ella compia francisata
Fronte feremu à l’imperu
Di lu paese stranieru.
Simu Corsi è insurpati
D’un campà di tradizione
À pattighjà cun scellerati
Ci hà servutu di lezzione
Fronte feremu à l’imperu
Chi ci porghju frutt’ascheru
Simu forse spasimante
Sott’a culunisazione
Ma s’anu da scioglie e mente
E rinascerà nazione
Fronte feremu à l’imperu
Cu nostru stintu guerrieru
Fronte feremu à l’imperu
Fora pristu u furesteru
L.FRANCESCHI / P.BRACCI
No comments yet