LYRIC / PARODDI / PARULLE / CANTI
Ci era un populu altieru, in cerca di a so armunia
Di u so passatu fieru, di vittorie è d’allegria
Quandu e botte d’un imperu, incciacconu a demucrazia.
Da Rumani arrabiati, à e stonde Barbaresche
Da paesi marturiati, à fureste incantareccie
Da dittatori impustati, cù e so fole à scimesche.
N’hà fattu a to sfurtuna, d’esse a parte a più bona
Ma un trema Catalunya, da Lérida à Barcelona
Catalunya, Catalunya.
D’ottobre u primu ghjornu, è à ora matinale
Fù u sfrombu di u stolu, chì suffiò cume murtale
A i cannoni di u molu, in cima à a catedrale.
In campagna o in carrughju, per qualera d’accunsentu
N’hè natu grande lu rughju, à l’omu di tradimentu
Chi cundannò in un mughju, à tuttu un guvernamentu
Nhà fattu a to sfurtuna, d’esse a parte a più bona
Ma un pienghje Catalunya, da Girona à Tarragona
Catalunya, Catalunya.
Alzemu cum’un tesoru, per quale a vole sapè
Chi a nostra testa di moru, hè girata versu te
Micca per cullari d’oru, nè per tituli di Rè…
Catalunya, catalunya
Catalunya, catalunya…
No comments yet