LYRIC / PARODDI / PARULLE / CANTI
Site,
Cum’è un’abbracciu maternu,
Chì supraneghja l’infernu
Testimone à l’eternu.
Torre,
Tale un filare d’archere…
Torre,
Firmate ritte è fiere, Sintinelle è guerriere.
Site,
Di fronte à l’immensità,
L’altare di la verità, Chì chjama a so libertà.
Torre,
Alzate da u terrore…
Torre,
D’una epica di dulore,
Chi purtava u so furore.
Site,
Sbattute da mille venti,
D’una storia di turmenti, Di lacrime è di lamenti.
Torre,
Ochjata ver’di l’avvene…
Torre,
Pè supranà tutte e pene
Nata da mille catene.
Site,
Per st’agnellucciu chì pasce,
Una sperenza chì nasce,
Nant’uchjassu di a pace.
Torre,
A sorizonte turchinu…
Torre,
Si marita u marinu,
In un sussuru latinu.
GF.SALGE / L.FRANCESCHI / E.SALVARELLI
No comments yet