LYRIC / PARODDI / PARULLE / CANTI
Machje è fureste sò u mio palazzu verde,
For di l’onore ùn aghju tante cose à perde,
Un’armata d’omi valenti m’accumpagna,
Sò Tiadoru, u Rè di a Muntagna !
Rè di a Muntagna !
Francescu Antone Pellegrini dettu Bruscu,
Eiu nimichi ne tombu quantu ne buscu !
À Tiadoru li sò sempre statu fidu
È sempre arradicatu à u scogliu nativu !
U scogliu nativu !
Banditi, banditi !
I preti ci anu da pacà,
I sgiò l’emu da sbaiuccà,
I giandarmi anu da trimà,
Onore, forza è libertà,
Forza è libertà !
Di nome Ceccu, Sarocchi di casata,
Di Tiadoru righjuntu aghju l’armata.
Chì i giandarmi ùn mi cerchinu rogna !
Per vindicammi polsu ancu u boia !
Eiu sò Gallochju, u banditu famosu
Sò chjuculellu, dicisu è pivarosu !
È a ghjustizia digià vintisette volte
Per cuntumace m’hà cundannatu à morte !
Cundannatu à morte !
Banditi, banditi !
I preti ci anu da pacà,
I sgiò l’emu da sbaiuccà,
I giandarmi anu da trimà,
Onore, forza è libertà !
Per sempre banditi, banditi si camperà !
Banditi, banditi vulemu stà !
No comments yet