LYRIC / PARODDI / PARULLE / CANTI

Quand’u ferru si face pisante
Chì l’oppressione mena
Quandu curragiu vole fughje
L’incarceratu canta
È u so cant’hè di sole.

Per un grombulu di ghjustizia
Per un palmu di libertà
Per un soffiu di dignità
Ascolta st’omu cantà
Chi lu so cant’hè di sole.

Duve l’omu si stà mutu
Duve lu temp’hè fughjitu
Duve a luce hà paura
L’incarceratu canta
È u so cant’hè di ventu.

Per un grombulu di ghjustizia
Per un palmu di libertà
Per un soffiu di dignità
Ascolta st’omu cantà
Chi lu so cant’hè di ventu.

Per un populu inghjuliatu
Per a PATRIA nigata
Per l’avvene chì si face
L’incarceratu canta
È u so cant’hè di lotta.

Per un grombulu di ghjustizia
Per un palmu di libertà
Per un soffiu di dignità
Ascolta st’omu cantà
Chi lu so cant’hè di lotta.

Ascolt’ascolta zitellu
U ventu di a rivolta
U cantu di a cuncolta
Sbucciat’in la stagione
Di a CORSICA NAZIONE.

Per un grombulu di ghjustizia
Per un palmu di libertà
Per un soffiu di dignità
Ascolta st’omu cantà
E stu cantu fallu toiu.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.