Una sera sera di festa
Trà canti è puesia
Emu scrittu à la lesta
Sta canzona d’allegria
È ziu Diunisu
Spessu dicia
Quandu si canta
Ci hè l’allegria.

C’era pane casgiu è prisuttu
Nant’a lu tavulinu
E pò c’era sopr’à tuttu
Trè botte piene di vinu
È ziu Diunisu
Spessu dicia
Quandu ci hè vinu
Un ci hè sicchia.

I zitelli è le zitelle
Facian’u quadrigliu
Più luntanu e cialamelle
Aspettavan’u ripigliu
È ziu Diunisu
Spessu dicia
Ind’è stu cumbugliu
Ci hè l’armunia.

Una botte duie è trè
Celidonia basgia Diunisu
Caru vinu ti femu Rè
Di l’amore è di lu viziu
È ziu Diunisu Ter
Spessu ci dice
Duve nun ci hè viziu
Nùn ci hè piacè.

Altri canti cu Resistenza ##

• A vita a morte
• Amicu Pastore
• Egoak
• Eroi Di L’Eternu
• Omu Canta
• Per a libertà
• Resistenza
• Terra Corsa