LYRIC / PARODDI / PARULLE / CANTI
Una la me persona eppo di petra intornu
In lu bughju di l’ora m’hè doppia la prigiò
I stracci d’una vita appesi à un scornu
L’infernu hà un nome : Malapaga maio
Diu mi fece vechju è ci vissi un arnese
A chjama di sta terra in brama d’unità
Da la Cinarca antica contr’à u Genuvese
U scopu di a storia ferma da inventà
Mi valsenu gran fama a forza è a parulla
O Corsica materna un abbracciu mi fù
Surgeni è Arrainchi, d’Attallà à Capula
Tutti quanti signori da porghje e so virtù
Meloria maladetta scunfitta è malora
Chi Genuva l’infame un la possu accitta
Puru a cumplicità di figli traditori
Per me a sola via fù Pisa a me cità
Di nome Sinucellu, Giudice di Cinarca
A Corsica di l’omi cusi mi chjamara
O nemicu di nentru o nemicu chi sbarca
Chi l’ombra di a me spada bastava fà trima
Malasorte mi fù una donna è po centu
Una sapara merza mi messe in purgatoriu
E tandu a nemicizia ardi u so scumpientu
In l’arte d’una mossa chi vince senza gloria
Pigliatemi aiò ch’e franchi Malapaga
Ch’e possi da quassù a pace istitui
Da supranà par bè quell’inghjustizia maga
E fà trimà mill’anni l’ingannu è u tradi
A vista l’aghju persa ma unancu a visione
O Corsica si tù, i me ochji ad ava
È da u fretu cecu d’un’orrida prigione
Pensu à l’isula grande à l’isula da là
Pensu à l’isula grande à l’isula da fa
Pensu à l’isula grande à l’isula da la
No comments yet