LYRIC / PARODDI / PARULLE / CANTI
Sò cum’è una lacrima di sole
Inde ‘ssa terra di sale stantarata
Duv’è le mosse indiate sò fole
É lu silenziu cum’è fattu strufata
Sò lu marosu chì si sciuma
À scalinà centunai di marine
Santu candellu chì si cunsuma
Senza pur mai truvacci la fine
Eu sò la stella chi guida à l’insù
Trà Luna è Sole è altu di più
So lu ghjornu à vene è stonda chi fù
U cantu fieru di a ghjuventù
Sò inde le perlucce di u veranu
Quand’hè l’agnellu à striscià ne la morte
Sò pampasgiolu chì veste la manu
L’alba arrussita ch’hè d’aprile à e porte
Sò l’acqua chi corre da u bacinu
U versu ghjuntu à purtà santu incantu
Sò la bandera, u populu è l’innu
Pugni à millai è Amore un sò quantu
Eu sò la stella chì guida à l’insi
Trà Luna è Sole è altu di più
Sò lu ghjornu à vene è stonde chi fu
U cantu fieru di a ghjuventù
No comments yet