LYRIC / PARODDI / PARULLE / CANTI
Ci anu pigliatu un figliolu
Quandi u mare era sirenu
Quandi u sole si pisava
È schjaria a terra corsa.
Ci anu pigliatu un figliolu
È ammantatu di vilenu
A rena induva si svarsava
U so sangue, la so forza.
O lu malabbiatu populu
Quantu pesu à lu to spinu
Quantu lacrime in curona
O lu malabbiatu populu
Ch’ellu senti st’assassinu
I versi di a mio canzona.
Ci anu pigliatu un figliolu
Chi fighjava l’occidente
Tal’è un segnu di partenza
Tal’è un addiu à u mondu.
Ci anu pigliatu un figliolu
Chi sunniava di sumente
É currava la so lenza
Tinutu da lu circondu.
O lu malabbiatu populu
Quantu pesu à lu to spinu
Quantu lacrime in curona
O lu malabbiatu populu
Ch’ellu senti st’assassinu
I versi di a mio canzona.
Quantu pesu à lu to spinu
Quantu lacrime in curona
Quantu oddiu, quantu flagelli
Ch’ellu senti st’assassinu,
I versi di a mio canzona
Apreranu i purtelli.
Quantu lacrime in curona
Quant’oddiu, quantu flagelli
Supurteranu le mente ?
I versi di a mio canzona
Apreranu li purtelli
A e luce nove di l’Oriente.
No comments yet