LYRIC / PARODDI / PARULLE / CANTI

Lu core chì ghjè meiu l’ai tù calcicatu
Da le toie e parolle è da lu to orgogliu.
L’insulte cù lu sdegnu l’ai scritti à u fogliu
Di a to storia buciarda è di lu to piccatu

Eppuru le mio brame un sò chè per esiste
Per mantene una luce à l’ochju universale
Vogliu campà sirenu ma mi porti à resiste;
E porte ch’è tù chjodi à mè mi danu l’ale

I toi i trè culori un spinghjeranu mai
A mio luce latina
I toi i trè culori un tumberanu mai
U Moru è a Regina
U Moru è a Regina

Quantu sò state inghjulie è quantu le ferite
Quantu basgi vilenu da i labbri di Marianna
Quantu cellule chose cù e to chjave cundanna
Quantu libertà tolte è quantu tolte vite

Eppuru le mio brame sò di pace ammantate
Di surrisi fratelli più chè d’oddiu è lamenti
Ma ci voli in dinochji è mani impastughjate,
Estrade ch’è tù chjodi à mè danu sumenti

I toi i tre culori un spinghjeranu mai
A mio luce latina
I toi itrè culori un tumberanu mai
U Moru è a Regina
U Moru è a Regina

Parolle è musica : F. Poggi
Cantu : Chj.f. Martini / F. Sini


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *