LYRIC / PARODDI / PARULLE / CANTI
Scrivu a mio lingua in lu ventu
E u ventu a trascrive
In la fronda di u campà
E in lu ventu si spanna
Scrivu a mio lingua in lu ventu
In la fulena di un chjassu
Eppo si lascia purtà
È in lu celu s’impanna
Balla quassù cù l’acelli
È si riscalda à u sole
E luntanu si ne và
In l’Universu camina
E chjappate la O zitelli
E mughjate la felici
E lasciate la cantà
In ogni core si chjina
E u ventu s’innamora
Disse parolle lampate
Dia so miludia altiera
Chi à le mente porta fiatu
Gira è volta a mio signora
Cun vistitu arcubalenu
Culurita bella è fiera
Ch’ella ghjunghji à vostru latu
Scrivu a mio lingua in lu ventu
Da mandà la à e cunfine
Ch’ella sbucci in fiore novu
Ch’ellu ne fessi sumente
State lu à sente lu ventu
Chì u so cantu hè verità
Porta u verbiu di u rinnovu
E l’anima di a mio ghjente
Parolle è musica : F. Poggi
Cantu: D. Casalonga
No comments yet