LYRIC / PARODDI / PARULLE / CANTI
Spiccanza
Ferita aperta in core à l’omi
Nutrita da un oddiu sicretu
Quandi u pienu si face viotu
È u rigretu
Stonde chì sò chjodi d’assenza
Curone di li Rè caduti
Quandu paura cun sperenza
Ballanu muti
Sumenanu u vilenu
Ricordi di stu surrisu
Isse stonde paradisu
Ch’accarezzanu infernu
Ch’accarezzanu infernu
Spiccanza
Celu stillatu chì si spinghje
È ch’affannu à la notte porta
L’attesa cun l’ora chì stringhje
L’anima morta
Sfiere più scure chè lu dolu
Alenu privu di rispiru
Issu sintimu di l’esse solu
E stu suspiru
Sumenanu l’eternu
I ritrovi più fidi
L’acelli à li so nidi
È sguassanu l’infernu
E sguassanu l’infernu
Parolle è musica : F. Poggi
Cantu : F. Poggi
No comments yet