LYRIC / PARODDI / PARULLE / CANTI

Ch’ellu si n’hè scorsu maghju
Sarà piu d’una simana
Approntati o capraghju !
A lascia piaghja è calmana
Ch’ai da fà l’altu viaghju
Dopu ghjuntu in Barghjiama.

Avvedeci, o Falasorma !
Cù i parenti è l’amichi
Sempre liati à Niolu
Per i gioie è i castichi
Da Montestremu à u mare
Avemu listesse antichi.

Sbuccarè in Caprunale
Guardendu da altu à bassu
Supranendune à o’mita
A funtana di u Tassu
Basgiati a croce nova
Chi a vechja un s’hè più trova.

U terzu ghjornu à la mane
Ti n’andarè vulinteri
In Sesta o Petra Pinzuta,
Biccarellu, o à Tiberi,
Piu che mai ghjunghjarai
A l’abbordu i frusteri.

Avà chi ai richjuntu
Di l’istate u ruchjone
Di tantu in tantu in paese
Affacati à l’occasione
Poi un mancà a to festa Bis
A mane di Sant’Antone.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *