LYRIC / PARODDI / PARULLE / CANTI
Un locu fattu d’incirtezzi
Lampa gioia è pinseri
In un ambiu chi ci pari
Un mondu chi hè fatatu
Una storia chi hè straziata
Com’è un’antica prichera
Chi pienghji o chi spera
Un dumani chi sarà
Cio ch’è no vulemu fà
Chi di stintu starà
Feti casu attenti à…
A me isula à mè
Un focu di tarra à mezu à u mari
Postu com’è un altari
In un cilestu chi porta
In un locu infinitu
Chi pà nimu hè pruibitu
Com’è quiddu vechju sonniu
Chi pà tutti un bisognu
Una pagina da scriva
Una brama da riviva
Incù forza si farà
Chi u curaghju l’aghju pà…
A me isula à mè
Un cori chi pà u sempri batti
Una machja chi scumbatti
Un intimu dulori
Incù radichi anziani
Chi a so stizza sempri l’ani
Di cuntinuà à creda
E no a vulemu veda
Una fratiddanza sparta
In un celi beddu apartu
Carcu à paci è benistà
Iè un ghornu accacquarà…
A me isula à mè,
A me isula à mè,
A me isula à mè,
A me isula à mè…
No comments yet