LYRIC / PARODDI / PARULLE / CANTI
A storia di u cavaddu corsu hè tribulata. Li ci vulia un umaghiu da ch´iddu si spanni à bridda sciolta…
Hè in un galopu sfinatu
Chi a to chjoma hà svintulatu
Minureddu è asatu
Beddu astutu è sinnatu
Com’è una stedda ch’hè caduta
Chi ci veni è chi ci aiuta
Una fatapà purtà
Una mani sempri dà
Galoppa ventu in puppa
U me caru paganacciu
In stu locu à tè
À più pudè
Galoppa ventu in puppa
Pà sti monti è sti pianuri
Nimu ùn pò parà
A cursa avà
Quandu u to soffiu hà basgiatu
Un pezzu d’aria arrubbatu
Tandu fughji u vacumu
A virdura hè di lumu
Quandu asciuvi u me lagnu
Tù lu me caru cumpagnu
Vecu una vera armunia
Una bedda amicizia
Galoppa ventu in puppa
U me caru paganacciu
In stu locu à tè
À più pudè
Galoppa ventu in puppa
Pà sti monti è sti pianuri
Nimu ùn pò parà
A cursa avà
Hè in un galoppu sfinatu
Chi u to fiatu hà aiutatu
Contr’a a noscia ruvina
Un’armata Paulina
Com’è un cavaddu cadutu
Ma oghji hè ricunnisciutu
E viaghja à bridda sciolta
Com’è in tempu d’una volta
Galoppa ventu in puppa
U me caru paganacciu
In stu locu à tè
À più pudè
Galoppa ventu in puppa
Pà sti monti è sti pianuri
Nimu ùn pò parà
A cursa avà
No comments yet