LYRIC / PARODDI / PARULLE / CANTI
Nantu a piaghja luminosa
Di mullizzu suminata
Ci hè tanta ghjente accatastata
Nantu a rena dulurosa.
Vergogna à tè chi vendi a terra
Vergogna à tè chi vendi a terra.
Qui ind’è u strangeru hà cumpratu
Ci hè una casa vituperia
Chi stupa nantu a miseria
Di u to locu abbandunatu.
Vergogna à tè chi vendi a terra
Vergogna à tè chi vendi a terra.
In quelle campagne brusgiate
Più mancu un cane ùn abbaghja
Magra trista la ghjandaghja
Canta e stagione malate.
Vergogna à tè chi vendi a terra
Vergogna à tè chi vendi a terra.
A rimignia in canpusantu
Trà mezu à e tombe s’hè stesa
E di u tempu l’offesa
Mena u sguardu ogni tantu.
Vergogna à tè chi vendi a terra
Vergogna à tè chi vendi a terra.
E l’estate ti vede fieru
Sbarcà à mezu à e to ruine
Cù e manere pariggine
Di l’omu senza penseru.
Vergogna à tè chi vendi a terra
Vergogna à tè chi vendi a terra.
Un tornà più o traditore
Chi si ride di e mio pene
U sangue di le to vene
Di u soldu hà lu culore.
Vergogna à tè chi vendi a terra
Vergogna à tè chi vendi a terra.
Vergogna à tè.
G.P.Poletti
Canta u populu corsu
No comments yet