LYRIC / PARODDI / PARULLE / CANTI
À Antoine de Saint-Exupéry et à sa citadelle
A mezu à la rena di u disertu
Nantu à una spianata è à l’apertu
Mediteghjalu puru u gestu offertu
Tù chi voli murà
A petra di l’avvene
Citadella da fà
Di speme per dumane.
Di speme per dumane.
U nimicu circonda li to lochi
E ne vedi ogni tantu li so fochi
Chi ti facenu a spia s’è tù ghjochi
Tù chi vole pisà
A to casa di mane
Un ti manca da fà
Pè le strade suprane.
Pè le strade suprane.
Chi tuttu hè scambiu è leia trà di noi
Trà la guerra è la pace chè tù godi
E capiscimi avale s’è tù poi
Tù chi voli sallà
L’amicizia di pane
Cù lu sangue a metà
Di fraiata di cane.
Di fraiata di cane.
Ti sente sopr’à l’osse a pelle macca
Quand’è tù stringhji li to pugni in stacca
L’ochji fissi nant’à la negra tacca
Tù chi voli fighjà
U celu di dumane
E ci voli caccià
Tutte l’idee vane.
Tutte l’idee vane.
Ma dorme ùn poi più, ùn dorme mai !
E rifletti à quesse le veritai
Chi t’avvinghjeranu tantu oramai
Tù chi voli crepà Bis
Tutte le forze arcane
Quelle di l’aldilà
Inseme à le terrane.
Inseme à le terrane.
La, la, la, la…
Ghjacumu Fusina
Canta u populu corsu
No comments yet