LYRIC / PARODDI / PARULLE / CANTI

Da ch’eo mi trovu
In prigione serratu
Chjamu la Musa
Ch’ella veng’al mio latu
Ma si ella ùn hè cunfusa
Racunterà il mio passatu.

U capu in sena
Incù la manu à lu core
Pensu è ripensu
Incù qual’facciu l’amore
Ma più pensu à lu tenente
Chì a li Corsi ci ne vole.

Ciò ch’ellu vole
Di per mè ùn a sone
Di quattru Corsi
N’hà messu trè in prigione
E pò ci hà spiccati à tutti
Privi di cunversazione.

Quellu chi resta
In prigio ci hè digià statu
L’hà rasatu la testa
È po dopu l’hà serratu
Face chì di quattru Corsi
Di nisunu un s’hè scurdatu.

Paisanu eo
Chjamatu per cinq’anni
Ne pregu à Diu
Sempre allegri passali
Ma lu latru s’hè vantatu
In galera vole mandammi.

Li pugheranu
Li soi i purgatorii
Si ellu a sapesse
Ch’eo scrivu nant’à stu fogliu
O lu mondu diceria
Ch’ellu ùn hà tamanta orgogliu.

Goffu hè di cima
Di mezu pare un butu
Da lu spinacciu
Ne fala à usu imbutu
O se voi lu vidarete Bis
O cum’ellu hè mal fututtu.

Tradiziunale di Rusiu
Canta u populu corsu


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.