LYRIC / PARODDI / PARULLE / CANTI

Eramu in lu quaranta trè
U focu era universale
Arriti s’eranu tant’omi
Daret’à la fiama nustrale
Rispundendu à la to chjama
Cù lu fronte naziunale.

Tutt’ognunu s’era addunitu
Contru à quel’indegnu macellu
Più di un giuvanottu arditu
E donne, i vecchji è li zitelli
Sottu à la bandera libera
Quella di li corsi ribelli.

Di a libertà di u mondu
Ne fusti un bellu suldatu
Contr’à e milizie fasciste
S’hè spentu fieru lu to fiatu
Quand’una matina d’aostu
Tù morsi degnu è rivultatu.

Da e cime, à e valle, à a piane
Chjuccavanu tante ciccone
A rivoltà fù pruclamata
Intornu à lu vecchju fucone
E in un frombu di fucile
Fù salvata a vecchja nazione.

E quand’eo vegu l’inghjustizia
Cum’elli a ci volenu impone
Quantu mi pare sempre viva
Quella lettera testimone
Chè tu ci hai lasciatu un ghjornu
In lu fondu di a to prigione.

Oghje u to populu hè sempre in lotta
Per una causa universale
Hè sempre rittu u to figliolu
Rossa hè la fiama nustrale
Chi u schiarisce a strada nova
Di u Fronte Naziunale.
Chi u schiarisce a strada nova
Di u Fronte Naziunale.

Ghjuvanpaulu Poletti \ Dumenicu Gallet
Canta u populu corsu


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *