LYRIC / PARODDI / PARULLE / CANTI

U locu di u nostru amore
Intaccatu da l’oppressore
E strade tante vene aperte
Da dissuchjacci forze è arte
Ci avia da tuccà u spiombu Bis
D’un populu vintu è po tombu.

Ricantu :

Fà ch’in la memoria cumuna
Fiaccula ci n’hè sempre una
Quella di u vulè campà
Porta u nome resistenza Bis
Ne falzità ne viulenza
Nunda l’hà pussuta smattà.

Steminadore industriatu
A nigacci ancu u passatu
Lestu à carcacci di difetti
A spezzà pensamentu è detti
Ci avia da tuccà u spiombu Bis
D’un populu vintu è po tombu.

Ricantu :

Fà ch’in la memoria cumuna
Fiaccula ci n’hè sempre una
Di u vulessi liberà
Porta un nome indipendenza Bis
Ne falzità ne viulenza
Nunda l’hà pussuta smattà.
Nunda la puderà smattà. (nantu Bis)

G.T.Rocchi
Canta u populu corsu


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.