LYRIC / PARODDI / PARULLE / CANTI

Tanta suffrenza
Spaspersa in lu mondu
L’omu chi vole campà
A me sperenza
In missaghju mandu
Quellu chi cerca à lutta.

Fratellu ormai
A to lutta hè mea
T’avvii mezu à l’aversità,
Cunnosci i guai
Per fà chi l’idea,
Splendi per a libertà.

Cresce la voce
Sopra à le fruntiere,
Purtendu a sperenza quallà
Dannu, veloce,
Canzone straniere,
Chjamendu a sulidarità.

Lacrima pura
Chi sbuccia surgente,
A fiumara di l’unità
Forza sicura
Chi richjara a mente
Soffiu di a verità.

Passa una vita
Di gioia è di pena ;
Passu di fideltà,
Parolla scritta
Chi sempre sumena
L’avvene, chi ne sarà ?

Cresce la voce
Sopra à le fruntiere,
Purtendu a sperenza quallà
Dannu, veloce,
Canzone straniere,
Chjamendu a sulidarità.

Natale Luciani
Canta u populu corsu


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.