LYRIC / PARODDI / PARULLE / CANTI

Mare fruntiera turchina
À lu mo esse liatu
Cumè l’ultima cunfina
A francà cum’un peccatu
Sempre allisci è azzechi
Pè l’eternu i mio lochi.

Mare d’una terra ribella
Chì hà fatt’a prumessa
À a libertà surella
D’ùn esse sottumessa.

Mare antica paura
D’una sterpa furestera
Chì spunta ind’a chjarura
Cù e so nave guerriere
Ci face teme l’orizonte
Mà sempre feremu fronte.

Mare d’una terra ribella
Chì hà fatt’a prumessa
À a libertà surella
D’ùn esse sottumessa.

Mare tracarcu d’inghjulia
Pè i luntani figlioli
À campà senza sumiglia
Fora di so paisoli
Si ingordu di ghjuventù
Di Cursichella lu fruttu.

Mare d’una terra ribella
Chì hà fatt’a prumessa
À a libertà surella
D’ùn esse sottumessa.

Mare chi abbaghjuleghji
U zitellu smaravigliatu
A mò terra sà chi oghje
Da tè ùn serà pigliatu
Tutt’i to battelli bianchi
Di sta faccenda sò stanchi.

Mare d’una terra ribella
Chì hà fatt’a prumessa
À a libertà surella
D’ùn esse sottumessa.

Mare d’una terra ribella
Chì hà fatt’a prumessa
À a libertà surella
D’ùn esse sottumessa


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.