LYRIC / PARODDI / PARULLE / CANTI

Quandu u celu si sprufonda
Un lamentu ribomba
Sbrangulendu lu mio core
Ramintend’u mio dulore.

Caru paese i to figlioli
Pienghjenu tutti sti doli
E in pettu ogni ferita
S’hè stampata per a vita.

Tanti fratelli sò partuti
Tanti fratelli oghje sò muti
Cerchendu a verità
Cerchendu a libertà.

Ancu u ventu scherzosu
Ùn trova più riposu
Pare spuglià la furesta
Dicendu mai ùn ti scurdà.

In Serriera una culomba
Hà fiurit’una tomba
Oghje sò mille culombe
Chì fiuriscenu e tombe
È annacquanu ogni fiore
Incù lacrime d’amore.

In ogni rughjone
Sia piaghja o macchjone
In dolu hè la bandera
E una mamma s’addispera.

Fratelli site partuti
Fratelli oghje site muti
È di l’eterna storia
Ne serete la mimoria.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

ANNUNZIA