Site,
Cum’è un abbracciu maternu,
Chì supraneghja l’infernu,
Testimone à l’eternu.
Torre,
Tale un filare d’archere…Torre
Firmate ritte è fiere,
Sintinelle è guerriere.

Site,
Di fronte à l’immensità,
L’altare di la verità,
Chì chjama a so libertà.
Torre,
Alzate da u terrore…Torre
D’una epica di dulore,
Chi purtava u so furore.

Site,
Sbattute da milli venti,
D’una storia di turmenti,
Di lacrime è di lamenti.
Torre,
Occhjata ver’di l’avvene…Torre
Pè supranà tutte è pene
Nata da mille catene.

Site,
Per st’agnellucciu chì pasce,
Una sperenza chì nasce,
Nant’u chjassu di a pace

Torre,
A s’orizonte turchinu…Torre
Si marita u marinu,
In un sussuru latinu.

Altri canti cu Testimone A L’Eternu ##

• Ferite
• Lotteremu canteremu
• Lottermu Canteremu
• Mare
• Mora
• Per A Mio Terra
• Ponte Nostru
• Ruvina