LYRIC / PARODDI / PARULLE / CANTI

Intorna una bandera
Un pugnucciu s’hè pisatu
Mughjend’a la terr’entera
Babbu ghjè incarceratu
Ma sò d’un populu fieru
E per ellu lotteraghju.
Francia è to sole sumente
Sò schiavitur’è affani
Annacquate di surgente
Sanguinose tutti l’anni
Ch’imbruttanu l’innucente
È prutege l’assassini.

Intorna una bandera
Mille pugni sò pisati
Strident’a la terr’entera
Libertà per l’inghjuliati
Corsica Nazione era
Ùn ci simu sminticati.
Francia tutt’e to milizie
Un ghjorn’anu da cascà
È tutte le to inghjustizie
Approntati a pagà
Aspettendu’ssè nutizie
Sempre fronte si ferà.

Lotta ghjuventù
L’avvene si tù
Lotta ghjuventù
L’avvene si tù.

Intorna quessa bandera
Populu si piserà
Cantend’à la terr’entera
L’alba di a so Libertà
Fendu risplend’a lumera
Infine di l’unità.
Francia tandu morerà
In l’umanu a cuscenza
Una scelta si ferà
Ùn appia tantu sperenza
Chì corsu ùn si scurderà
Di tant’anni di suffrenza

Lotta ghjuventù
L’avvene si tù
Lotta ghjuventù
L’avvene si tù.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

ANNUNZIA