LYRIC / PARODDI / PARULLE / CANTI

Mi ricordu era zitellu
D’un paese cusì bellu
Trà lu mare è la muntagna
In sta terra di Tavagna
A sera ghjunt’à la notte
S’aprianu tutt’e porte
Chjuchitavan’e canzone
In gira quellu fucone.

Quandu l’alba si pisava
Di i chjassi spassighjava
Ascultendu quellu fiume
Spettinatu per e schiume
E machje di lu circondu
Era tuttu lu mio mondu
Ogni fiore chi sbucciava
Cun dulcezza mi parlava.

A ghjuventù hè passata
Ma sta terra m’hè firmata
Fentu solchi in lu mio core
Suminenduci l’amore
E fiurisce più chè più
Stu ricordu di ghjuventù.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.