LYRIC / PARODDI / PARULLE / CANTI

Ventu, ventu chi soffia da l’alte cime
Duve ne vai à spassighjà
Tù chi franchi centu confine
Di mi cum’ellu hè quallà
Di mi, s’ellu ci hè rose senza spine
E fiori senza annacquà
E s’ellu ci hè fere mastine
Incù sguardu d’umanità

Di mi, di mi s’ellu ci hè core umanu
Sempre, sempre prontu à porghje è à dà
E senza rifiatà
E s’ella si tenda la manu
Permai più teme falzità

Ventu, tù chi connosci li sicreti
In supranendu da quassù
Di mi s’è un ghjornu, i nostri eredi
Guderanu ogni virtù
Di mi, si ci hè amore senza fele
Si ci hè avvene da sperà
S’elle s’accendenu le stelle
Per chì cerca lu so salvà

Di mi s’è un ghjornu, in sta terra in brama
Di pace, di gioia è di felicità
E per l’Eternità
S’ella s’accenderà torna la fiamma
A u celente, celente immensità


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.