LYRIC / PARODDI / PARULLE / CANTI

Velenu chi s’infilza é brusgia le mo vene
Chi sdrughje la bellezza annegrisce l’avvene
Velenu chi mi rode é chi mi face soffre
Mullizu infuschitu é toscu inghjallicitu

Si macellu si sterpizia si sfracellu ingurdizia
Si l’infernu à caternu tù ci mandi é ci infanghi…

Rubaccia chi ci sterpa é chi ci face more
Materia chi ci surpa chi a tutti ci dole
Velenu di le pene chi ci porta culà
Duve più nun si vene chi ci ha da infracicà

Si macellu si sterpizia si sfracellu ingurdizia
Si l’infernu à caternu tù ci mandi é ci infanghi…

Lindezza di u sangue chi corre in le mio vene
E purezza chi langue chi schjarisce l’avvene
Dulcezza di un amore chi mi porta la pace
Rinvivisce lu core ch’ellu ùn si pò più tace

Avà campu avà godu avà cantu la mio gioia
Avà ridu avà stridu hé più bella la mio stella…
Avà campu avà godu avà cantu la mio gioia
Avà ridu avà stridu hé più bella la mio stella…


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.