Sole ciotta à lu punente, vene l’ora vesperale
Campanella face entre, l’animale à lu stazzale
Luna pare una bastella, in celu, ci hè una stella
Luna pare una bastella, in celu, ci hè una stella

Sentu passà un cavallu, chi risona in le ricciate
Fendu musica di ballu, cù canzone attricciate
Luna pare una bastella, in celu, ci hè dece stelle
Luna pare una bastella, in celu, ci hè dece stelle

Dopu lu silenziu casca è si manghja li rimori
L’ombra pocu à pocu ammasca è dà grisgiu à li culori
Luna pare una bastella, in celu, ci hè centu stelle
Luna pare una bastella, in celu, ci hè centu stelle

U velu veste di notte lu castagnetu vicinu,
E lu fiuminale è l’ortu, si cunfondenu à mulinu
Luna pare una bastella, in celu, ci hè mille stelle
Luna pare una bastella, in celu, ci hè mille stelle

U mio cavallu riposa, ruzzichendu lu so fenu,
Vicin’à me la mo sposa, mi stringhje à lu so senu
Luna pare una bastella, ùn vecu chè duie stelle
Luna pare una bastella, ùn vecu chè duie stelle

Altri canti cu Da Musicà la vita ##

• A ghitarra
• A Pizzica
• Amerindianu
• Blue jean
• Citadedda
• Gira
• Primu Amore
• Sartè
• Velenu di male
• Ventu

Scantariza

• A chi vale
• L’Esse di a vita
• L’usina di Canari
• Nave chi sfunghi
• Spera
• Nannarella
• A Pizzica
• Diana di l’Alba
• Mediterraniu
• Petrosgiani