LYRIC / PARODDI / PARULLE / CANTI

Gira gira a ronda di u tempu
chi sguilla, scappa, fughje è si ne và
cum’è spazate prestu, prestu da lu ventu
l’ore mischine diu nostru campà

Gira, gira, a ronda di a vita
chi d’ora in ora, lesta si ne và
cum’è sta manu bianca, secca inghjalatita
d’un fiatu spentu à pocu andà

Di me duve so, quelli tempi andati
quand’eramu tutti per sè
tanti ricordi ricamati
a l’orli di i nostri piacè

gira, gira, a ronda di i ghjorni
chi scherzosi vanu senza piantà
cum’è speranze nate, nate in li sonnii
quand’un ferma mancu un sunnià

gira, gira a ronda di e sperenze
quelle nate dopu a li ghjorni amari
quandu ascosi quassù, tutti à li celente
veghjanu i toi è po li to cari

di mi chi fermerà dumane
di le to gioie è li to guai
quandu chjuccheranu e campane
per lu sempre è per l’oramai.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.