LYRIC / PARODDI / PARULLE / CANTI
Racoltu da Micheli Paoli in 1976 in Zicavu ind’è u ziu Carulu Scaglia
L’auteur de ce chant composé au début du siècle, a choisit le cadre de travaux d’exploitation du bois pour réaliser une « affectueuse » satyre des habitants de son village.
Da lu valdu di a lama
Scrivar vogliu sta nuvella
E mandalla par vallonu
Ad’Anghjulina a mio suredda
Ch’ella stighi alegra è cuntenti
Ch’ùn li mancarà nienti.
Lu me poghju di Perettu
Lu vogliu tuttu impiigà
O lu me prima sughjettu
Lu me ziu Antonu Scia
Lu so vinu mani è sera
Mai li vurria mancà.
Trà mè è Antonu Tabura
Ci era statu un sott’intesu
A la dispensa di Bura
Verificatori di pesu
Legna scorsa è carbonu
A mità incù lu patronu.
Poi ci hè Dariu Pulindinu
Chi hè un omu di grand’valori
Ad’eddu ùn li piaci più vinu
Un bii più che licori
La so sola midicina
Ni saria Filippina.
Poi ci hè Paulu Castillinu
Chi hè un omu di a me famidda
Hè asatu la muntura
E li tinarà la bridda
A lu cavaddu filatu
Quand’è saraghju spusatu.
O lu to nomu Pazzali
Tona in tuttu in lu vangonu
Agna, Bura è Chisà
Faceni un forti risonu
Sona cetera è viulinu
Par ludar à Pulindinu.
Poi ci hè Ghjacumu Scia
Chi hè struitu è di bon senzu
U faremu sicritariu
D’altri cosi lu dispensu
E sarà pagatu a tara
A la bianca di Chisà.
A Lillu a me sputagna
Li segnu lu passaportu
Di cullar à la muntagna
Ch’eddu ùn si lasci fà tortu
Alta pulizza è baronu
Da lu Tortu à lu Cuscionu.
Paoli di Soriu
Canta u populu corsu
No comments yet