LYRIC / PARODDI / PARULLE / CANTI

Bien plus que les éléments, ce chant nous dit combien la langue est le ferment de cette terre.

Più chè u sole è più chè u mare
A lingua st’isula l’hà fatta
A tempu à una sorte matta
Chi pare lu so bellu sole
Più chè u sole è più chè u mare.

Da la so lingua hè cum’è nata
Da le so voci è li so canti
Da li so scritti tutti quanti
Chi l’anu vestuta da fata
Da la so lingua hè cum’è nata.

Sò ste parulle à falla viva
Di li pueti tutti pari
Ch’ella hà tenuti cusi cari
Da l’alta sera è longu riva
Sò ste parulle à falla viva.

Puru la più bella natura
Hè pocu senza puesia
Per esse ognunu qualchissia
Da l’altri ne vole primura
Puru la più bella natura.

Hè strappatura ancù l’amore
Sottu à u silenziu di u celu
Hè mutu u sintimu sinceru
S’ellu ùn hà musica à u core
Hè strappatura ancù l’amore.

Ghjacumu Fusina \ Ghj.F. Leschi.
Canta u populu corsu


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.