LYRIC / PARODDI / PARULLE / CANTI

Chanson satyrique sur une demande en mariage.

Mamma hè vechja è sola in casa
Dunque mi trovu obligatu
Piglia moglia s’eiu la vogliu
Per un marchjà più strappatu
Tutti mi danu cunsiglii
S’eiu la trovu ch’eiu la piglii.

Quist’annu vogliu piglià moglia
Ch’aghju una bella piantata
Suminata hè à sette libre
Spergu in Diu sia bona annata
Mamma ùn po in casa è fora
Ci vole ch’eiu ghjunghji un nora.

Noi simu dui fratelli
A sparteci un gran’casale
U primu chi si marita
Piglierà induve ella li pare
E parti l’hà fatte mamma
Testimogni ùn si nè chjama.

Si ella hè quante à la mubiglia
A mè nunda n’ùn mi manca
Aghju la mio tavulinu
A mio meria è a mio panca
Una bella caffitera
Quattru piatti è una suppera.

In qualità di vestume
Propiù nunda nùn mi manca
Aghju duie camisgiole
Una hè brutta è l’altra hè bianca
Hè vera scarpi ùn ne aghju
Quist’annu li cumpreraghu.

Dinò ci vole ch’eiu mi compri
Un pezzacciu di baretta
Un paghju di pantaloni
Un ghjileccu è una ghjacchetta
E po’allora aghju ogni cosa
Un mi manca chè la sposa.

Aghju un bellissimu lettu
Di lu più fine castagnu
Ci hè cuvertoghje è lenzole
Di cuprimi nùn mi lagnu
Aghju un bellu strapuntinu
Un saccone è un cuscinu.

Qui finiscu o damicella
Aludavvi u mio casale


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.