LYRIC / PARODDI / PARULLE / CANTI

Les sentinelles de pierre, tels des étranges guetteurs du temps, témoignent d’une époque où tout, ici commença.

Sintineddi. Bis

Tali un ochju lampatu à u mare latinu
O una mani porsa à l’imperi à liventi
Un sognu maladettu d’eternu scarpiddinu
O una chjama antica chi più nimu n’ùn senti.
Chi più nimu n’ùn senti

Tali i voci chi funa da culandi à l’ora
E li visi di petra chi dissinu di nò
Quidda sumiglia strana chi un si volsi mora
E l’idea chi tandu tuttu qui principiò.

Sintineddi.

Tali a mani chi vensi in tempu d’ancu à fà
E vi feci d’altura cù quiddu arti supranu
Un era ancu lu mondu è n’erati digià
Guardiani impitrati di u ricordu umanu.
Di u ricordu umanu

Tali l’abbracciu primu chi u silenziu vi deti
E li sapienzi arcani cù li sò canti immersi
Di ciò chi ùn hè storia tiniti li sicreti
Tali una citatella chi a memoria persi.

Sintineddi. Bis

Francescu Lanfranchi \ Natale Luciani.
Canta u populu corsu


Accumudatu by

Cyril Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.