LYRIC / PARODDI / PARULLE / CANTI

Trà affani è carezza
E senza cuntintezza
U to core viaghja
Cum’e un tribbiu in l’aghja.

Eppuru s’è luntanu
Spunta un bellu veranu
Cogli quelle manelle
Ti trema ancu a pelle.

E scegli u to culore
Scimità o dulore
Bianca è puru nera
Quessa hè la to bandera.

Sott’un celu turchinu
Ci corre lu marinu
E porta pocu è pocu
U muscu di u to locu.

Vicinu à l’alba chjara
Incù lu mare s’infiara
A scogli allisciati
Battelli abbandunati.

E scegli u to culore
Scimità o dulore
Bianca è puru nera
Quessa hè la to bandera.

Ma ancu s’è dumane
Aspetti ore sane
Ci nasce una timpesta
A mezu à la to testa.

E senti u batticore
Chi sona à tutte ore
E so brame sò sete
Ti mancu ancu a fede.

E scegli u to culore
Scimità o dulore
Bianca è puru nera
Quessa hè la to bandera.

E scegli u to culore
Scimità o dulore
Bianca è puru nera
Quessa hè la to bandera.

La to bandera.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.