LYRIC / PARODDI / PARULLE / CANTI

Simu vecchji, simu soli
Mez’a tant’a tanta ghjente
Tenimu e nostre pene
L’affettu un’è prisente.

Trascinemu i penseri
Un vulemu cumpassione
U duttore pass’anch’ellu
Nasce a tribulazione.

Ci n’andemu sempre soli
Ci n’andemu per la manu
Ci n’andemu tristamente
U sguardu, persu luntanu.

Di a folla angusciata.
Un sentimu a chjamata
Duve site, temp’andati
Tempi scelti prelevati

Ne simu à l’addisperu
Ritratti di nustalgia
Un’muvimu cumpassione,
E ne menu simpatia.

Ci n’andemu sempre soli
Ci n’andemu per la manu
Ci n’andemu tristamente
U sguardu, persu luntanu.

Simu vecchji, simu soli
Di i nostri dilasciati
E porte si stanu chjose
Chjosi à i parintati.

Vecchji vittime di l’anni
Un’vi cercanu succorsu
L’anni ricchi, l’anni fieri
Da quellu tempu hanu corsu.

Ci n’andemu sempre soli
Ci n’andemu per la manu
Ci n’andemu tristamente
U sguardu, persu luntanu.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.