LYRIC / PARODDI / PARULLE / CANTI

Si chjode lu pugnu
Di stu zitellu feritu
Chì sente in lu so pettu
Un pezzu di ferraglia
Chì li brusgia lu core
È stu dulore, serà forse la morte

Fighjendu in lu so celu
Vede una striscia di sole
Chì li scalla u core
Cum’è lumi di paradisu
È per ellu chì si spenghje
Seranu sicuri, lumi di paradisu

Mille bandere sò cascate
Mille bandere abbandunate
Scurdate ind’una storia
Perse in le vostre memorie

Sò per i morti immurati
Sò per quelli chì sò cascati
Ghjè per un maghju d’orrore
Chì accumpagna u dulore
Di l’omu nantu a so sedia
Chì si pesa, chì ci crede, è chì spera

In stu ghjornu di maghju
A natura era in culore
A palistra di ferraglia, hè cascata
Nantu un populu ammansatu
Culunisatu è marturiatu
Ma ditemi induv’è site
Simu tutti quì e circhemu à cappì

Mille bandere sò cascate
Mille bandere abbandunate
Scurdate ind’una storia
Perse in le vostre memorie.


Accumudatu by

Stephane Gutierrez

SPARTE

Votre adresse de messagerie ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.