LYRIC / PARODDI / PARULLE / CANTI
Ai giratu lu mondu
Circhendu un pezzu di terra
Induve ti serai sentitu
Liberu cum’è lu ventu.
Mai ai intesu’ssu cantu
In la to mente in pientu
Ti venia da luntanu
Di la to ghjente chì ti chjama.
Ma ghjè corsu
Stu sangue in le to vene
Ma so’ssi lochi
Induve ci stanu li toi.
Ai fattu a scelta
Di campà in’ssa sucietà
In’ssu mondu di prufittu
Techju di falsità.
Ma crescerà
La nostra invia di vule cantà
Tra li monti di lu sunià
E chì dumane ci purterà.
A la to lingua
Ch’ella ùn fussi mai pruibita
E la to manera di pensà
Chì mai ùn scambierà.
Podarsi chì si puderà lampà
A e forze di quallà
Un missaghju di libertà
E scrive pace in l’eternità.
A fede di vule fà
Ch’un ghjornu passerà
A manera nova di luttà
Per lu nostru diventà.
Ma ghjè corsu
Stu sangue in le to vene
Ma so’ssi lochi
Induve ci stanu li toi.
A la to lingua
Ch’ella ùn fussi mai pruibita
E la to manera di pensà
Chì mai ùn scambierà.
No comments yet